| 1 | |
HStAOrient5a: 62r Ve ammā İmām Şāfiʿī buyurur ki qatl‑i maḥż şerāʾiṭ‑i ʿamdīyet ile // mükrehden ḥāṣıldur. Pes qıṣāṣ daḫı vācibdür nite‑kim ṭavʿan // helāk ėtse vācib olduġı gibi. Zīrā ikrāh‑i mücerred // mükrehden ṭaleb‑i fiʿldür taḫvīf ü tehdīd ile fiʿle mecāli // olmayandan ṭaleb‑i fiʿl muḥāldür. Çün maṭlūb‑i mükrih mükrehden // ḥāṣıl ḫuṣūṣan mükreh olan muqābelede ʿıqāb‑i uḫrevīye // vāṣıl oldı. Ṣaḥīḥ oldı ki mükreh ḥaqīqat‑i fiʿle maṣdardur [pes] // vücūb‑i qıṣāṣa maẓhar oldı. Bu qavle iʿtirāż // budur ki mükreh qatlde muḫtār degüldür. Belki şimşīr ṣıfat‑i fiʿl // mükrehden müstaʿmeldür. [Mes̱elā] mükrih mükrehi gendü eli ile ṭutub // bir ṣabīye żarb ėdüb helāk ėtmesi gibi. Muḥaṣṣal menşeʾ‑i // ḫilāf beyne l‑imāmeyn budur ki vücūd‑i ikrāhdan ṣoñra // İmām-i Aʿẓam qatında mükreh meslūbü l‑iḫtiyārdur Şāfiʿī // qatında muḫtārdur. [Allāhu aʿlam ve aḥkam] Li‑münşiʾihi qıṭʿa: // [hezec: v – – – / v – – – / v – –] Qıyās‑i ʿaql ile defʿ olmaz evhām [ʿİlm‑i tefsīr] ʿİlm‑i tefsīr. Taʿrīf: [ʿİlm‑i tefsīr bir ʿilmdür ki maʿnā‑i] naẓm‑i // Qurʾāndan baḥs̱ ėder qavāʾid‑i ʿarabīye muqtażāsı üzre. // Mebādī uṣūl‑i kelām ve uṣūl‑i fıqh ve ʿilm‑i cedel ve ġayruhā. |